යථාර්ථය දනවන පැදි පෙලකි. මෙම පද්‍ය පාසල් පෙල පොතකින් උපුටා ගත්තෙමි.මෙහි හාස්‍යය මෙන්ම ඉට එහා ගිය යමක් කියවේ .මෙහි සඳහන් ගුරුතුමන් හට එම වයසේ ඔහුට ඔහුගේ ගෝලයා ගෙන් නිරායාසයෙන් හිමිවිය යුතු ගරුබුහුමන් හිමි නොවේ .ඊට හේතු එහි මානාව පැහැදිලි වේ.ඇත්ත වශයෙන් මෙය සංවාදයට බදුන් විය යුතු මාතෘකාවකි. දක්ෂ සිිසු පිරිස සමග ඉදිරියට ඇදෙන ගුරුවරු නියමිත දැනුම මට්ටමට ලගා නොවු (අදක්ෂ)සිසු පිරිස වෙත යොමුකරන අඩු අවධානය නිසා ඔවුන් තවත් ඒ අගාධයටම ගමන් කරන අතර පසු කාලෙක සාමාජට වෛර කරයි.මෙහිදි මෙවැනි ගුරුවරු කුලකය ගැන පමණක් සාකච්චා කරන අතර එය පැහැදිලිවම අවධාරණය කරමී. වර්ථමානය තුල මෙය සිදුවිමට හේතු වශයෙන් මා දකින්නෙ , ගුරුවරුන්ගේ අමතර පන්ති.එහිදි ඊලග වර්ෂයේ තම අමතර පන්තියේ පිරිස වැඩිකරගැනිමේ අරමුණින් දැනට පන්තියේ සිටින දක්ෂයින් සමග ඉදිරියට යයි . පසුව ලැබු ප්‍රතිඑල භාවිතා කර අත්පත්‍රකා මුද්‍රණය කර ප්‍රචාරණය කරයි .එහිදිද දැනුම මට්ටමට ලගා නොවු ශිෂ්‍යා හට හිතු තරම් යහපත් ප්‍රතිඑලයක් නොලැබේ .ආදාල ගුරුවරයාට පාසලේ රැදි සිටිමේ අවශ්‍යයතාවට හා පාසලේ කීර්තිය යන සාධක ද බලපායි .මෙවා කෙසේ වෙතත් ශිෂ්‍යාගේ උනන්දුව උත්සහය ධෛර්ය ඉහල මට්ටමක පැවතිම අනිවාර්යයි .මක් නිසාද යත් කිසි කෙනෙකුට උගැන්විය නොහැකි නිසාත් හැක්කේ අවබෝධ කරලීමට උත්සහ ගැනිම පමණක් වන නිසාය . පැදි පෙළ පහතින් වේ .
නටපුදෙන් එළවළු බක්කිය ලඟ හිටගෙන
කියපුදෙන් ඔන දෙයක් මං ගැන
පැනලා නොකියමි හදුනනකම
විස්තර නොකරමි !ගුරුගෝලකම
මතකයි ඇදපු හැටි යටි බ‍‍ඩෙන්
කොනිත්තා බුරිය ළඟ හමෙන්
තියපු හැටි ගිණි අව්වේ දනින්
ගහපු හැටි ඇඟිලි පහ උඩට අඩිකෝදුවේන්
තලන්නටම හිතාගෙන වේවැලක් ගෙන
මුහුණෙ සිනාවක් , තෙතක් , දයාවක් නොමැතිව
එදා දේවදත්තයා ලෙස පැමිණි මොහු
දැන් වියපත්ය ! පැන්ෂන්ය ! තැන්පත්ය
මොළේ ඇති එවුන්ටම වරුණනා කොට
උන්ටම ලකුණු දී සම්මාන දී
මං වගේ දුර්වලයන්ට තලා පෙලා හිංසා කොට
පාසල අපායක් කල මොහු
නුඹ නිසා තිත්ත වුණි මට පාසල් යෑද
නැවැතුනෙමි ගෙදර හඩ හඩා
අන්තිමේදි ගියමි තත්තා ගිය මඟ
ටවුමේ එළවලු විකුණන්නට
නුඹ ද නු‍‍ඹේ දක්ෂ අදක්ෂ ගෝලයන් සැවොමද
දැන් නිතර එති මා ලඟට මගේ ක‍ඩයට
එදා බැරි වු ගණන් දැන් පෙන්වමි නුඹලා සැමට
කීරා දෙමි පන්සීය හාරසීයට
..............................................................................
